b-artists(Burmese Artists)

ADA GCS-6Guitar Cabinet Simulator, Zaw Latt (ROS) zawlattrospedalboard

Thu, 25 May 2023 10:29:44 +0000

⁣ADA GCS-6
Guitar Cabinet Simulator
ကျနော်တို့ဆီမှာအရင်ခေတ်တွေတုန်းက Guitar Amp နဲ့ Speaker တွေ Studio တိုင်းမှာရှိခဲ့ကြတယ်
2000 ခုနှစ်နောက်ပိုင်းတွေမှာ Di Box ဆိုတဲ့ဟာတွေကို Amp နဲ့ Speaker အစားသုံးလာကြတယ် ကိုယ်တွေလည်းအဲ့ဒီတုန်းကဘုမသိဘမသိနဲ့ရောယောင်ပြီးဝယ်ခဲ့ကြသေးတယ် ဈေးကလည်း ၆ သောင်းစွန်းစွန်းရှိတဲ့ Behringer အမျိုးအစားပေါ့ ( သိတာလည်းအဲ့ဒါလောက်သိတာ ) Studio ပိုင်ရှင်တချို့ကလည်း Amp တွေ Speaker တွေခေတ်မရှိတော့ဘူး မလိုတော့ဘူးဆိုပြီးရောင်းထုတ်ပစ်ကြတယ် အဲ့ဒီအချိန်ကပေါ်လာတဲ့ multi guitar effect တွေထဲမှာလည်း Amp Simulator ( ရှင်းရှင်းပြောရရင် Amp သံအတုတွေပေါ့ ) နားထောင်ရင်တော့ဟုတ်မလိုလိုပဲ ဒါပေမယ့် တကယ့် Amp နဲ့ယှဉ်ပြီးစမ်းတီးကြည့်ရင်တခြားစီပါ အတုနဲ့အစစ်ဟာဘာမှမဆိုင်ပါဘူး အဲ့လိုနဲ့ Studio တော်တော်များများမှာ Guitar Amp နဲ့ Speaker မရှိတော့ သူ့အစားသုံးရတဲ့ Guitar Cabinet Simulator ( GCS ) သုံးလာကြရင်း USA made ADA ကထုတ်တဲ့အရည်အသွေးမြင့် Di Box ADA GCS-2 mono ကိုနောက်ပိုင်းပြောင်းသုံးဖြစ်ခဲ့တာပဲ တော်တော်အဆင်ပြေတယ်ဆိုရမှာပေါ့ အရှေ့ကသုံးခဲ့တဲ့ Behringer အမျိုးအစားနဲ့ဘာမှမဆိုင်ပါဘူး Speaker ရဲ့အရှေ့မှာထားပြီးအသံဖမ်းတဲ့ Mic ရဲ့အကွာအဝေးကအစချိန်လို့ရတဲ့ခလုပ်တွေပါသလိုအသံပါဝါကလည်းထုနဲ့ထည်နဲ့ထွက်တယ် နောက်တော့ ADA GCS-3 ထပ်ပေါ်လာတယ် Earphone အပေါက်အပိုနဲ့သူ့အတွက် Volume ပါလာတာပဲရှိတာဘာမှမထူးပါဘူး အဲ့ဒီနောက် ADA GCS-5 ထပ်ပေါ်လာတယ် အဲထိ Mono ပါပဲ အသံကို Stereo ရချင်တော့ ADA GCS-2 ကိုနှစ်ခုဆောင်ထားခဲ့ရတယ် နောက်ဆုံးတော့ ADA GCS-6 (Stereo) ပေါ်လာတာပဲ ဒီ ADA GCS Di ကတကယ်တမ်းတွဲသုံးလို့အဆင်ပြေတာ Analog Pedal တွေနဲ့ပဲ Multi Guitar Effect Processors နဲ့ဆိုအဆင်မပြေဘူးနော် အသံထွက်မမှန်ဘူးလို့ပဲပြောရမှာ ကျနော်လည်းဒါတွေကိုယ်သိနားလည်သလောက်ဝေမျှခြင်းသက်သက်ပါ အသံပိုင်းဆိုင်ရာပညာရှင်အင်ဂျင်နီယာတွေလိုတော့အကျယ်တပျံ့ကြီးမသိပါဘူး ကျနော့်အနေနဲ့ဆိုရင် လူငယ်တွေကိုမဝယ်ခင် Guitar သံအမှန်ကိုသိသွားအောင် Analog Pedal နဲ့ amp+speaker တွေကိုဆိုင်တွေမှာဝယ်ဝယ်မဝယ်ဝယ်မြည်းစမ်းကြည့်စေချင်တယ်ဗျ

#mxr #zawlattrospedalboard #zawlattros #bosseffects #tcelectronic

TC electronic Corona Chorus, Zaw Latt (ROS) zawlattrospedalboard

Thu, 25 May 2023 09:51:33 +0000

⁣TC electronic Corona Chorus

သူ့မူလအရောင်ကအစိမ်းပါ နာမည်ကိုမုန်းလို့ဆေးမှုတ်ထဲ့လိုက်တာဘာမှမမြင်ရတော့ဘူး 😂
TC electronic ကတော့ကမ္ဘာကျော် brand တစ်ခုပါ ဒါပေမယ့်သူထုတ်တဲ့အရာတိုင်းတော့ကောင်းတယ်လို့မပြောလိုပါဘူး အဆင်မပြေတဲ့အရာတွေလည်းရှိတယ် သူ့ multi effect တချို့မှာပါတဲ့ drive တွေဆိုသုံးရတာအဆင်မပြေဘူးဗျ မပြည့်စုံသလို တစ်ခုခုလျှိုထားသလိုပဲ ဒါကလည်းကျနော့်အမြင်ပါ
အခုဒီ Chorus ကတော့ Stereo In Stereo Out ဆိုတော့ Studio ပိုင်းရော Show ပိုင်းရောသုံးရတာအဆင်ပြေတယ် Chorus , Toneprint နဲ့ Tri Cho ဆိုပြီး function ၃ မျိုးပါတယ် ကိုယ်သုံးမယ့်သီချင်းအမျိုးအစားပေါ်မူတည်ပြီးအမျိုးမျိုးချိန်ကြည့်လို့ရတယ် သူကလည်း wave တစ်ခုမို့ speed နဲ့ depth များသွားရင်အဆင်မပြေတော့ဘူး တချို့သောသီချင်းတွေ အဓိက clean pluckling တွေပေါ့ ဥပမာပြရရင် ကျနော်တို့မှီခဲ့တဲ့ 1970-80-90 က rock , heavy rock နဲ့ heavy metal သီချင်းတွေမှာ သုံးခဲ့တဲ့ analog chorus guitar သံတွေကတော့ကြောက်ခမန်းလိလိကိုအသံပါဝါတွေတောင့်တင်းနေတာယနေ့တိုင်ပဲ

⁣

#boss3tuner #zawlattrospedalboard #tcelectronic

MXR EVH Phase 90 ,Zaw Latt (ROS) zawlattrospedalboard

Thu, 25 May 2023 08:17:21 +0000

⁣တချိုတချို့သော Hard Rock သီချင်းတွေနဲ့ Punk ပုံစံသီချင်းတချို့ရဲ့ Backing တွေမှာ Overdrive နဲ့ဖြစ်စေ ရိုးရိုး Clean သံနဲ့ဖြစ်စေ Guitar mute တွေတီးရင် Phase Level သိပ်မများတဲ့အနေအထားနဲ့ပဲတီးဖြစ်ပါတယ် Phase wave လေးတစ်ခုပါတယ်ဆိုရုံလောက်ပဲ Volume တအားများရင် wave တွေကစိပ်ပြီးတချို့ကိုယ်တီးတဲ့ Note တွေကပါများရင်ဘာမှန်းမသိ နားထောင်ရတာမကောင်းတော့ပဲရှုပ်ကုန်မယ် ဒါကြောင့် သီချင်းတွေရဲ့ Tempo အနှေးအမြန်ပေါ်မူတည်ပြီး volume အနေအထားသင့်တင့်မျှတစွာချိန်ပြီးသုံးရင်တော်တော်နားထောင်လို့ကောင်းပြီး သိပ်အသုံးဝင်တဲ့ Pedal ကောင်းတစ်ခုပါ MXR ကထုတ်တဲ့လိမ်မော်ရောင်ရိုးရိုး Phase 90 ကလည်းကောင်းတယ် ဒါပေမယ့်အခု MXR EVH Phase 90 ကတော့ပိုကောင်းပိုညက်သလိုဈေးလည်းပိုပါတယ်

#mxr #zawlattrospedalboard #zawlattros #bosseffect

Pedal ၇ ခုအတွက် power ထပ်ပေးနိုင်တဲ့ Boss TU-3 tuner , Zaw Latt (ROS) zawlattrospedalboard

Thu, 25 May 2023 08:08:53 +0000

⁣Boss TU-3 tuner
ဒီ tuner လေးက guitar သမားတိုင်းဆောင်ထားသင့်တဲ့ pedal လေးတစ်ခုပါ mute system ပါတဲ့အတွက် stage ပေါ်မှာကြိုးညှိတာအသံမထွက်လူမသိတော့တဲ့အပြင် နောက်တစ်ချက်ထူးခြားတာက adaptor ပေါက်က input & output ပါတဲ့အတွက် output ကနေနောက်ထပ် pedal ၇ ခုအတွက် power ထပ်ပေးနိုင်တဲ့ tuner pedal ဖြစ်တဲ့အတွက် pedal တုံးတွေအများကြီးသုံးတဲ့ player တွေအတွက်တကယ့်ကိုမရှိမဖြစ်ဆောင်ထားသင့်တဲ့ pedal တစ်ခုပါ
( guitar သမားဆိုမှတော့ rhythm တီးတဲ့လူ lead တီးတဲ့လူ bass တီးတဲ့သူ အားလုံးနော် )

#boss3tuner #zawlattrospedalboard

Boss CS-3 Compression Sistainer ,Zaw Latt (ROS) zawlattrospedalboard

Thu, 25 May 2023 07:50:15 +0000

⁣guitar သံကို compress လုပ်လိုက်တဲ့အတွက်လက်ရဲ့touching အပြင်းအပျော့ကတော့ပေါ်မှာမဟုတ်တော့ဘူး အထူးသဖြင့် rhythm တီးတဲ့အချိန်မသုံးဖို့ပေါ့ တခါတရံတော့လိုအပ်မယ် သီချင်းပေါ်လည်းမူတည်တယ် clean solo တီးရင် sustain knob ကိုအတိုအရှည်ချိန်တီးဖို့လိုသလို overdrive solo တွေမှာလည်းလိုအပ်တဲ့ sustain ရဖို့အတွက်သူ့ကိုတွဲသုံးဖို့ကမရှိမဖြစ်လိုအပ်တယ် အထူးသဖြင့် clean solo အနှေးတွေကို slide နဲ့တီးရတဲ့အခါသူ့ကိုမသုံးလို့ကိုမရပါဘူး လုံးဝလိုအပ်ပါတယိ (tone ကတော့ eq ပါပဲ attack ကိုတော့အသင့်အတင့်မှာပဲထားရပါမယ် တအားများရင်အသံမကောင်းတော့ပါဘူး)

ပိုပြီးအသုံးဝင်အသုံးတဲ့ TC electronic Nova Repeater Delay_ Zaw Latt (ROS) zawlattrospedalboard

Thu, 25 May 2023 07:17:19 +0000

⁣TC electronic Nova Repeater Delay
ဒီ Delay Pedal လေးကို 2011 လောက်ကတည်းကစပြီးသုံးခဲ့တာယနေ့အထိပါ သုံးရတာရိုးရှင်းပြီးလွယ်ကူလွန်းလှတယ် နောက်ပြီး Tap ပါတဲ့အတွက် studio အတွင်းမှာရော stage ပေါ်မှာပါထိထိရောက်ရောက်အသုံးဝင်သလို stereo delay ဖြစ်တာကြောင့် Left & Right ကို speaker မှာကွဲကွဲပြားပြားအရသာရှိရှိကိုခံစားရပါတယ် ထူးခြားတာက ဒီ pedal မှာ delay အပြင် Chorus နဲ့ Viberto modulation ၂ ခုထပ်အပိုပါတဲ့အတွက်ပိုပြီးအသုံးဝင်အသုံးတဲ့ တဲ့ Stereo Delay pedal ကောင်းတစ်ခုဖြစ်ပါတယ်

#boss3tuner #zawlattrospedalboard #tcelectronic

Clean solo လည်း booster လိုတယ် TC electronic Spark Booster, Zaw Latt (ROS) zawlattrospedalboard

Thu, 25 May 2023 06:37:56 +0000

⁣TC electronic Spark Booster
ကျနော်တို့ analog pedal တုံးတွေနဲ့ stage ပေါ်မှာတီးတဲ့အချိန် ပုံမှန်အများအားဖြင့် guitar volume ကိုအဆုံးထိဖွင့်ပြီးတီးတတ်ကြတယ် rhythm ခတ်တဲ့အချိန် rock ဆိုလည်း vamp တွေတီးတဲ့အချိန်ပေါ့ အဲ့မှာ solo တီးတဲ့အချိန်ကျတော့ delay pedal နင်းပြီးတီးလိုက်တဲ့အချိန် guitar သံကတိုးသွားပြီးဝပ်သွားတတ်တယ် ဒါကြောင့်အဲ့အချိန် solo ကိုပေါ်အောင် guitar က volume ထပ်တင်လို့မရသလို distortion or overdrive effect က level ကိုလက်နဲ့လှည့်တင်ဖို့အဆင်မပြေတဲ့အတွက် guitar level တက်လာအောင်ဒီ booster ခြေနင်း pedal ကိုအသုံးပြုရခြင်းဖြစ်တယ် ( stage ပေါ်မှာ booster မရှိရင်တော့သီချင်းတီးတဲ့အချိန် guitar volume ကိုအဆုံးထိမဖွင့်ပဲတီး solo ရောက်ချိန်မှအဆုံးထိတင်တီး solo ပြီးရင် volume ကိုပြန်လျော့ပြီးတီး ဒီလိုလုပ်တီးမှ solo ပေါ်မယ် အဲ့လိုမလုပ်ပဲ volume အဆုံးမှာပဲထားတီးရင် solo တီးတဲ့အချိန်အသံဝပ်နေမှာပဲ clean solo လည်း booster လိုတယ် )

Tremolo TR2 Boss, Zaw Latt (ROS) zawlattrospedalboard

Thu, 25 May 2023 06:34:37 +0000

⁣Tremolo TR2 Boss
ကျနော်တို့ကိုယ်ပိုင်ဖန်တီးခွင့်ရတဲ့ ကိုယ်ပိုင်သံစဉ်သီချင်းအများစုရဲ့ electric guitar နဲ့တီးကြရတဲ့ pluckling လိုနေရာတွေမှာသုံးခဲ့သလို Overdrive နဲ့ Guitar Fill လေးတွေထည့်ရတဲ့နေရာတွေများလည်းသုံးခဲ့ကြတယ် ရုတ်တရက်နားထောင်ရင်မကြားနိုင်မသိနိုင်ပေမယ့် သေချာလေး Earphone နဲ့နားထောင်ရင် Guitar သံဟာ Tremolo wave လှိုင်းတွန့်လေးတွေနဲ့ကြားနေရတာကိုသိနိုင်ပါတယ် တခါတလေ သီချင်း tempo စည်းချက်နဲ့ညီနေသလို တခါတလေ စည်းချက်နဲ့မညီပါဘူး မညီပေမယ့်လည်း နားထောင်လို့ကောင်းနေပါတယ် နိုင်ငံခြား Country Song တွေက Clean သံတွေမှာတော့အများဆုံးတွေ့ရပါတယ် Metal သီချင်း Rock သီချင်းတွေမှာလည်းသုံးကြတာပဲ ဉာဏ်ရှိသလောက်ကွန့်လို့ရတဲ့ wave လှိုင်းလေးတွေပါ သီချင်း tempo နဲ့ကွက်တိဖြစ်အောင်ညီနေအောင်ချိန်ဖို့တော့ခက်ပါတယ် အချိန်တော်တော်ယူရသလို့ recording လိုအသံသွင်းတဲ့အချိန် တချို့နေရာတွေ တချို့သီချင်းတွေဆို တစ်ဘားချင်း နှစ်ဘားချင်း ဖြတ်ဖြတ်ပြီးအသံသွင်းယူမှရတဲ့အပိုင်းတွေရှိပါတယ်

အခုပြောပြပေးနေတဲ့ ( Ready For Tomorrow Page ) Recording Engineer က အသံလှိုင်းတွေအကြောင်းသေချာပိုသိတဲ့အတွက်ကျနော့်အစားပြောပြပေးနေုခြင်းဖြစ်လို့ဝါသနာပါသူတွေအတွက်အလွန်တန်ဖိုးရှိလှပါတယ်

ကမ္ဘာကျော်အဖွဲ့တွေဖြစ်တဲ့
Collective Soul အဖွဲ့ရဲ့ Heavy ဆိုတဲ့သီချင်းအစက Guitar intro မှာ Tremolo ကို Overdrive တွဲသုံးသွားတာလှလှပပတွေ့နိုင်သလို
Extreme အဖွဲ့ရဲ့ There Is No God ဆိုတဲ့သီချင်းအစမှာလည်းခန့်ခန့်ညားညားနဲ့လေးလေးကြီးထွက်လာတဲ့Guitarသံတွေကိုခံစားကြည့်ပါ
အဲ့ဒါတကယ်မိုက် တကယ်ခန့်တဲ့ Tremolo အသံပဲ

#tremolotr2boss #zawlattrospedalboard #zawlattros #bosseffect

Fulltone OCD Overdrive Pedal V2 Zaw Latt (ROS) zawlattrospedalboard

Thu, 25 May 2023 06:10:32 +0000

⁣Overdrive & Distortion Pedal
OCD ကတော့သုံးရတာ အရိုးရှင်းဆုံး အလွယ်ကူဆုံး သော Drive Pedal ကောင်းလေးတစ်ခုပါ
အရှေ့မှာ Overdrive Pedal ရော Distortion Pedal ရောအများကြီးမဟုတ်ပေမယ့် ၆ မျိုး ၇ မျိုးပြောင်းပြောင်းပြီးသုံးခဲ့ဖူးတယ် နောက်ဆုံးတော့ ဒီဟာကိုပဲပြန်ငြိတာ အရှေ့မှာ ၂ ခါ ၃ ခါပြန်ပြန်ရောင်းပစ်ခဲ့ဖူးတယ် အဓိကက သူ့မှာ noise အနည်းငယ်ရှိတယ်ဆိုတဲ့ပြဿနာအစွဲပေါ့
ဒီကြားထဲ တချို့Pedal သုံးဖူးတယ် noise လုံးဝမရှိဘူး ဒါပေမယ့်ကျနော့်အတွက်အဲဒီ noise မရှိတာကကြာတော့ပြဿနာပါ ဘာ့ကြောင့်ဆိုအဲ့ဒီ သဘာဝထွက်နေတဲ့ noise အကုန်လုံးကိုစွဲချုပ်ထားသတ်ထားလိုက်တဲ့ system ပါတဲ့အတွက် တကယ် solo တီးတဲ့အချိန်မှာ drive ရဲ့ ရှိသင့်ထွက်သင့်တဲ့ noise ကိုချုပ်ထားတော့နားထဲမှာအဆင်မပြေတော့ဘူးခင်ဗျ လိုချင်တဲ့ sustain လည်းရပေမယ့် တခုခုလိုနေသလိုခံစားရတယ် ( တချို့ player ကလည်း noise မရှိမှတီးတတ်တာ ကြိုက်တာ ) နောက်ပိုင်းတော့ noise ထွက်တာသဘာဝ ပိုပြီးတော့လည်းအရသာရှိတယ်ဆိုတာသိသွားတယ်
အဲ့ဒီကျေးဇူး အဲ့ဒီအသိဘယ်ကရခဲ့စခဲ့တာလည်းဆိုရင်

တာချီလိတ်ကဂီတကိုအရမ်းချစ်တဲ့ ဂီတဘက်ကိုအရမ်းစိတ်နှစ်ထားတဲ့ ဂီတဝါသနာအိုးကြီး Analog ပါပါကြီး အပျော်တမ်းဂီတာသမားကြီး ညီလိုအစ်ကိုလိုချစ်ရတဲ့သူငယ်ချင်းကြီး ကျေးဇူးရှင်ကြီး JAI နဲ့စတွေ့တဲ့အချိန်ကစခဲ့တာပဲ
2010 ကကျနော်တို့ instrumental အခွေတစ်ခွေတာချီလိတ်မှာသွားတီးကြတဲ့အချိန် သူ့ Studio သူပဲ Producer အဲ့မတိုင်ခင်ကျနော်တို့တတွေ multi effect processor တွေလောက်ပဲသိပြီး multi effect တွေထဲနစ်နေကြတဲ့အချိန်
သူ့ဆီမှာ Analog Single Pedal တွေကလွဲပြီး ဘာ multi effect မှမရှိဘူး ပထမတော့သွားပြီးပေါ့
နောက်မှဘယ်ဟုတ်မလဲကျနော်တို့လိုချင်တဲ့ guitar သံအစစ်တွေက ဒီ Analog တွေ ဒီ Amp တွေ ဒီ Speaker တွေဆီကမှရနိုင်တယ်ဆိုတာသူရှင်းပြခဲ့လို့လက်တွေ့သဘောပေါက်သွားပြီး Analog တွေကိုစငြိသွားတာ တကယ်တော့ noise တွေဆိုတာ တကယ့် Amp စစ်ရင်ရှိကိုရှိနေတာ ထွက်ကိုထွက်နေတာ Power ကောင်းလေထွက်လေပဲ
သူနဲ့တွေ့ပြီးအဲ့နောက်ပိုင်းတွေ multi effect တွေသုံးတဲ့ရေအိုင်ငယ်ထဲကနေ Analog ပင်လယ်ထဲကိုဦးတည်ခဲ့တော့တာပဲ
ဥပမာပေးရရင် multi effect ဆိုတာ DVD တစ်ချပ်ထဲမှာ ဇါတ်ကား ၁၀၀ လောက်ကိုထည့်ထားပေးတာနဲ့တူတယ် ရှိသမျှအသံတွေအကုန်ပါတယ်ဆိုတဲ့မက်လုံးနဲ့ဈေးချိုသက်သာအောင်ထုတ်ထားပေးတဲ့ဟာဖြစ်တဲ့အတွက်အပျော်တမ်းသုံးဖို့အတွက်ပဲအားပေးတယ် Quality ပိုင်းမှာ လိုအပ်တဲ့အသံ Power အပြည့်မရနိုင်တာမို့ Pro သမားတွေအတွက်တော့ရေရှည်အဆင်မပြေနိုင်ဘူး
Analog ကတော့ DVD တစ်ချပ်မှာဇါတ်ကားတစ်ကားပဲပါသလို အသံ Power က 100% အပြည့်ကိုထွက်တာ
အခုနောက်ပိုင်း တချို့သော multi effect ကောင်းတွေရှိနေပါပြီ quality ကောင်းသလိုဈေးကလည်းမြောက်လှပါတယ် ကိုယ့်အကြိုက်နဲ့ကိုယ်ပေါ့
ဒါပေမယ့် ကျနော့်နားစည်မှာတော့ Analog အသံကသံရည်ပူနဲ့လောင်းကပ်ထားသလိုစွဲနေပြီမို့တခြားအရာတွေမတိုးတော့ပါဘူး

#fulltone #zawlattrospedalboard #zawlattros